Ministrja e Drejtësisë, Etilda Gjonaj ka dënuar ashpër vrasjen e studentes 21-vjeçareje nga Fieri.
Ariela Murati, studentja e Fakultetit të Drejtësisë në Tiranë u vra dje përpara QSUT-së, pasi kishte refuzuar lidhjen me Aldison Belulaj. Ky i fundit e qëlloi për vdekje vajzën e re, më pas qëlloi edhe veten dhe tashmë është në gjendje të rëndë në spital.
Nisur nga ky fakt ministrja Gjonaj përmes një statusi në Twitter apelon për përkrahje të çdo gruaje që është në situatë dhune.
“Tragjike! Jeta e një vajze u pre në mes nga dora gjakatare e një burri! Ariela Murati, studentja e Fakultetit të Drejtësisë, një tjetër viktimë e dhunës në shoqërinë shqiptare. Të gjithë bashkë, të mbrojmë dhe përkrahim çdo grua në situatë dhune #NdalKrimit #PërqafoJetën”, shkruan ministrja e Drejtësisë, Etilda Gjonaj.
/Opinion.al
