Sali Berisha kishte një mesazh të drejtpërdrejt për shqiptarët në fjalimin hapës së fushatës elektorale, ku u kërkoi atyre të dalin masivisht të votojnë më 14 maj, për t’i dhënë një shans vendit.
Kreu i demokratëve deklaroi se duhet të lemë pas vitet e krimit, drogës dhe korrupsionit dhe vjedhjes që solli qeveria Rama për 10 vite me radhë, duke e shëruar Shqipërinë vetëm përmes dashurisë.
“Unë besoj se Shqipërinë e shpëtojmë duke dhënë secili nga pak dashuri. Një vend që 10 vite që keqtrajtohet, shërohet vetëm me dashuri.
Nuk mund të presim më nga ndërkombëtarët, nuk duhet të presim nga një lider apo një parti politike.
Dashurinë më të sinqertë nënës mund t’ia japin vetëm bijtë e saj.
Unë besoj në një Shqipëri që drejtohet nga njerëz të ndershëm, të rinj, model, me qytetarë të barabartë përpara ligjit, që krijon kushtet për t’i rikthyer qytetarët në atdheun e tyre.
Unë besoj në një Shqipëri që shtohet në popullsi, me familje të gëzuara, me një qeveri të vogël dhe të përulur përpara qytetarëve.
Unë besoj se ka ardhur koha për këtë Shqipëri. Të lëmë mbrapa Shqipërinë e krimit, drogës dhe vjedhjes”, deklaroi Sali Berisha.
