Në një konferencë për mediat, kreu i PD Berisha ka kërkuar edhe në herë krijimin e një qeverie teknike dhe zgjedhje të reja.
Kjo sipas kryedemokratit, pasi PD zotëron dokumente të pafundme të shkatërrimit te procesit zgjedhor, duke e kthyer atë në një farsë elektorale.
“Ka vetëm një zgjidhje krijimi i një qeverie teknike dhe zgjedhje të reja. Kemi me qindra dokumente të shkatërrimit të procesit zgjedhor, të kthimit në farsë elektorale. Ne duam që shqiptarët të mos vuajnë farsën elektorale, ne do të qëndrojmë me të gjithë potencialin dhe fuqinë tonë ku shqiptarët të votojnë si qytetarë të lirë, e jo të përjetojmë farsa të turpshme elektorale të njëjta me ato të Zimbabvesë 30 vite më parë” u shpreh Berisha, ku përfundoi me fjalët do të mbrojmë me çdo çmim votën e lirë.
