Mjeshtri i spiunazhit amerikan, Gjenerali James Clapper, i cili mbikëqyri CIA-n, FBI-në dhe që shërbeu si një nga këshilltarët kryesorë të Presidentit Barack Obama, ka treguar se si mund të jetë gjendja emocionale e presidentit rus Vladimir Putin.
“Putini ka qëndruar kryesisht i izoluar, veçanërisht në dy vitet e fundit për shkak të pandemisë, dhe fakti është se ka shumë pak njerëz që kanë kontakt me të-“-tha ai për programin Today të BBC Radio 4.
Më tej ai tha se Putin ka bërë shumë gjëra që nuk përputhen me “sjelljen e tij tradicionale, të ftohtë, pragmatike, si makineri”.
I pyetur nëse ai është racional, James Clapper është shprehur “Duhet të kuptojmë që kemi të bëjmë me një kryetar shteti që mund të shtypë butonin e arsenalit më të madh bërthamor në glob. Ai po mendon në mënyrë racionale. Unë mendoj se nga shumë këndvështrime, ai është shumë racional… Por unë e di se sjellja e tij ka ndryshuar shumë kohët e fundit me atë që ishte.”
Ndërsa pyetjes se a po paguajmë çmimin për gabimet e bëra në të kaluarën, duke mos vepruar kur janë kapërcyer linjat si në rastin kur u aneksua Krimea apo kur u përdorën armët kimike në Siri, Clapper u përgjigj: Presidenti i tanishëm i SHBA-së Biden ishte nënkryetar në kohën e atyre zhvillimeve dhe i ka jetuar të gjitha këto, gjë që do ta bënte atë të zbutte deklaratat e tij publike dhe të ishte shumë i matur./Opinion.al
