Kryetarja e Bashkisë së Durrësit, Valbona Sako ka njoftuar dorëheqjen ditën e sotme. Largimi i saj vjen, pasi dje, teksa po fliste për dëmet e tërmetit, Sako tha se “duhet të jemi “të jemi të kënaqur me 50 viktima.”
Kjo deklaratë u shpërnda me shpejtësi në rrjetet sociale, duke ngjallur dhe reagimin e ashpër të qytetarëve.
Konkretisht, Sako tha; “Për hir të së vërtetës duhet ta themi që ky ishte një tërmet i nivelit shkatërrimtar, por që jemi të kënaqur me 50 viktima, sepse në rastet e tjera kanë qenë mbi 1000 viktima”.
Ndërkohë, ajo shprehet në “Facebook”; ”E lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës. Falenderoj nga zemra të gjithë ata që më besuan dhe shpresoj në mirëkuptimin e të gjithëve”./ Opinion.al
