“Sfida e Kapsulave Tide” (Tide Pod Challenge) është bërë së fundmi virale në internet. Me mijëra adoleshentë tashmë filmojë veten e tyre duke kapërdirë kapsula me detergjent rrobash të lëngshëm, dhe këto video i hedhin në YouTube.
Kapsulat Tide përmbajnë detergjent, zbutës rrobash dhe një përzjerje tjetër sapunësh, të treja këto të mbështjella në plastikë të tretshme në ujë. Këto kapsula dolën në treg në vitin 2012, por vetëm së fundmi po tërheqin vëmendjen e adoleshentëve.
Fillimisht, në platformën sociale Twitter, të rinjtë filluan të shkruanin se sa të shijshme duken kapsulat Tide, dhe sa shpesh tundoheshin për t’i ngrënë. Më pas, portali satirik i lajmeve ëëë.theonion.com e postoi këtë sfidë me shaka. Shumë shpejt, adoleshentët filluan ta merrnin seriozisht këtë sfidë dhe po inkurajojnë edhe të tjerët.
Këto video në Youtube po marrin me qindra mijëra klikime. Doktorët po bëjnë thirrje që adoleshentët të mos i hanë këto kapsula sepse janë vdekjeprurëse. Këto kapsula përmbajnë etanol, polimer dhe peroksid hidrogjeni, -3 substanca toksike të cilat nëse konsumohen janë vdekjeprurëse.
Përgatiti: Elena Lika
