Pasi u mësua që Komisioni i Mandateve doli me dy raporte dhe e shpëtoi përkohësisht deputetin Saimir Tahiri nga arrestimi, të gjithë sytë i kanë tani nga kryetari i Partisë Demokratike Lulzim Basha, i cili vetëm dy orë më parë tha se do të bëjë publike të tjera fakte për implikimin e Saimir Tahirin në organizatat kriminale të trafikimit të narkotikëve. Basha ka lajmëruar një dalje publike në orën 19.30 ndërsa do të publikojë fakte se si Rama ka vënë shtetin në funksion të mbrojtjes së Saimir Tahirit.
Deklarata e tij vjen menjëherë pasi Rama iu përgjigj, duke i thënë se po kërkon të marrë karrige, ndërkohë që qeverisë e kryeministrit i intereson e vërteta në gjithë këtë çështje.
“Pas pak të tjera fakte sesi Edi Rama ka vene shtetin ne funksion te mbrojtjes se Tahirit…”,- shkruante kryedemokrati.
