Tunelet e nëndheshme, ishin arma e fshehtë e El Chapos, 62-vjeçarit që kryesonte kartelin famëkeq të Sinaloas.
Ato e lejuan të shndërrohej në një prej trafikantëve më të mëdhenj të drogës në botë, por, që prej burgosjes së El Chapos, tunelet e famshme të ndërtuara prej tij për të transportuar drogën nga Meksika në SHBA janë bërë thesari i lakmuar nga të gjithë.
Instituti Meksikan në Qendrën “Wilson” në SHBA, tha se grupet e ndryshme kriminale po luftojnë për të marrë në kontroll këto tunele, si një i sigurtë i të ardhurave.
“Mendoj që në kufirin mes dy shteteve mund të jenë 10 deri në 50 tunele të tillë që janë ende në përdorim. Kartelet kanë investuar shumë kohë dhe mund për t’i ndërtuar ato. Shpeshherë ato ndërtohen poshtë godinave nga të dy krahët, për t’u maskuar më mirë”, tha Duncan Wood, drejtor i këtij instituti.
Shumica e tuneleve janë të kontrolluar nga një kartel, por shpesh ato jepen me qira dhe përfitimi është shumë i madh, sepse kilometri i fundit, ai që dërgon drogën në SHBA, është më i rrezikshmi. Kjo ka bërë që trafikantët të luftojnë fort për to./Opinion.al
