Të gjitha ndeshjet do të fillojnë me një minutë heshtje

Të gjitha ndeshjet në Ligën e Kampionëve dhe në Ligën e Evropës, do të fillojnë me një minutë heshtje.
Kështu ka bërë të ditur shtëpia më e madhe e futbollit në Evropë, UEFA.
E gjitha kjo është bërë për të nderuar futbollistin e Fiorentinës, Davide Astori, që ka ndërruar jetë papritur ditën e diel në moshën 31 vjeçare.
“Një minutë heshtje do të aplikohet në ndeshjet e Ligës së Kampionëve dhe Europa Ligë për nder të mbrojtësit të Fiorentinas dhe Italisë, Davide Astori, i cili vdiq papritur në fundjavë në moshën 31 vjeçare”, shkruhet në njoftimin e UEFA-s.
Të martën dhe të mërkurën zhvillohen katër ndeshje në Ligën e Kampionëve, ndërsa ditën e enjte janë paraparë ndeshjet e Ligës së Evropës.