Reformat në shëndetësi, duket se mbeten vetëm një premtim elektoral. Vendi ynë është renditur ndër vendet e fundit mes 35 shteteve Europiane në një raport “Indeksi i Shëndetit Konsumator 2018” nga instituti suedez, Health Consumer Powerhouese.
Indeksi mat se në çfarë mase, secili nga 35 vendet e marra në analizë përmbush pritshmëritë e një kujdesi shëndetësor të mirë dhe të orientuar ndaj konsumatorëve. Për Shqipërinë raporti thotë se “vendi ka burime shumë të kufizuara të kujdesit shëndetësor, por ministria shqiptare e Shëndetësisë e arsyeton kështu nivelin e ulët të përdorimit të kujdesit shëndetësor: “Shqiptarët janë të vështirë dhe shkojnë tek doktori vetëm kur janë të detyruar”.
Shqipëria ka dhe shpenzimet më të ulëta për frymë për kujdesin shëndetësor, të matura sipas paritetit të fuqisë blerëse. Një tjetër tregues ku jemi të fundit është numri i doktorëve për 100 mijë banorë.
Ajo që merr medalje ari në këtë renditje është Zvicra, që mban vendin e parë duke ia kaluar dhe Holandës.
“ Zvicra ka gëzuar një reputacion të fortë për përsosmëri në kujdesin shëndetësor për një kohë të gjatë. Prandaj nuk është për t’u habitur. Duke marrë parasysh dhe sa shpenzon ky vend në sistemin shëndetësor, duhet!”, thekson raporti. /G.F Opinion.al (Raportin e plotë e lexoni KËTU)
