Në paraqitjet publike të famshmit duken si njerëz të qetë dhe të butë, por në jetën e përditshme ata nuk janë aspak të tillë dhe shpesh ndodh që ta zbrazin mllefin e tyre ndaj personave më të dashur.
Grushte, shuplaka, shqelma, janë ato që ata përdorin më së shpeshti. Në këtë grup bëjnë pjesë edhe emra të njohur si Nick Carter, Terrance Howard, Charlie Sheen, Mel Gibson, Chris Brown, Nicholas Cage.
Nicholas dikur ishte tejet i famshëm, si për femra, ashtu edhe për filma, por së fundi kualiteti i tij si aktor ka rënë përtokë, ndërsa këtij fenomeni i ka shtuar edhe disa foto nga policia. Gruan e tij të tretë Alice Kim, kohë më parë e ka sulmuar në një sallon tatuazhesh, ndërsa çifti grindjen e kishte vazhduar në rrugë, ku Nicholas e kishte grushtuar atë dhe disa vetura përreth, çka kishte shtyrë policinë ta arrestojë.
Chris Brown kishte humbur një numër të madh fansash, kur e kishte treguar anën e tij të dhunshme dhe atë kundër ish të dashurës Rihanna, të cilën e kishte bërë për spital duke e rrahur brutalisht me grushte dhe shqelma. Këngëtarja me lëndime të rënda në fytyrë, ishte dërguar në spital, ndërsa ai ishte burgosur.
Edhe pse në gjyq kishte vajtuar, karriera dhe dashuria e tij kishin marrë teposhtën pas këtij rasti. Ylli i filmit “Brave Heart”, Mel Gibson, ka edhe grusht të fuqishëm, nëse u besohet fjalëve të ish-gruas së tij Oksana Giorgieva, e cila ka thënë se ai e ka rrahur brutalisht me grushte dhe shqelma sa ia kishte thyer dhëmbët.
Charlie Sheen njihet si adhurues i kokainës dhe si shumë problematikë, përcjell Zeri.info. Ndërse se është i dhunshëm e ka dëshmuar pasi të fejuarën e tij Kelly Preston, e kishte qëlluar me armë në dorë në vitin 1990, edhe pse e ka mohuar këtë.
Dhe në vitin 2009, gruan e tij Brooke Mueller, e ka rrahur për Krishtlindje, kështu që këto festa ai i ka kaluar në burg. Edhe pse së fundmi ka deklaruar se gratë nuk duhet rrahur, por duhet përkëdhelur dhe dashur, është vështirë t’i besohet se ka njëmend.
