Elsi Levendi, 21 vjeç, lindur në Athinë dhe banues në Tiranë, Alesio Berberi, 33 vjeç, lindur dhe banues në Patos, Fier, si dhe Olsi Qalliaj, 22 vjeç, lindur në Fier dhe banues në Patos janë 3 personat e arrestuar nga Policia e Tiranës për vrasjen e Jurgen Kurtit. Një i katërt, identiteti i të cilit nuk bëhet i ditur është shpallur në kërkim.
LEXO EDHE- Zbardhet vrasja e Jurgen Kurtit, policia arreston tre persona
Nga informacionet e para mësohet se tre të rinjtë janë përgjuar nga policia. Ata mësohet se komunikonin me njëri-tjetrin me mesazhe të koduara, në mënyrë që të mos u përgjoheshin bisedat.
Por kjo i ka çuar drejt zbulimit, ndërsa ka dyshime të forta se personi që është shpallur në këkrim, ka qenë ekzekutori. Dyshimet janë se shkak i vrasjes janë bërë konfliktet e vjetra ku ishte përfshirë viktima Kurti.
Një nga të rinjtë e arrestuar edhe pse 22 vjeç bën një jetë luksoze. Po t’i hedhësh një sy rrjeteve sociale të Olsi Qalliaj, ai tregon se ka bërë udhëtime të ndryshme nëpër Europë, ka veshje firmato si dhe nget makina të shtrenjta, por edhe një jaht.
Të rinjtë e kanë ndjekur për disa ditë Jurgen Kurtin dhe janë kapur nga kamerat e sigurisë duke udhëtuar me mjetin “Benz” që u përdorën edhe ditën e vrasjes.
Policia deklaroi më herët se gjatë kontrollit fizik dhe në banesat e këtyre shtetasve, gjeti dhe sekuestroi një automjet që u ka shërbyer autorëve për t’u larguar nga vendi i ngjarjes, si dhe dy makina të tjera luksoze. Gjithshtu u gjet dhe një armë zjarri “Pistoletë TT”, fishekë luftarak, një sasi prej 2470 Euro e lekë shqiptare, 13 aparate celular, si dhe një sasi e vogël lënde narkotike./Opinion.al
