Partizani-Skënderbeu, është kryendeshja e javës së tetë në Superligën shqiptare. Sipas kalendarit të përcaktuar nga Federata Shqiptare e Futbollit, ndeshja do të luhet ditën e diel në orën 20.00 në stadiumin “Qemal Stafa”. E diela është përcaktuar si ditë e zhvillimit të ndeshjes pasi Skëndërbeut ditën e enjte do të luajë në Lisbonë kundër ekipit të Sportingut. Ballafaqim që do të luhet në kuadër të ndeshjeve të treta në grup në kompeticionin Europa Ligë. Rëndësia e ndeshjes midis Partizanit dhe Skënderbeut qëndron në faktin se të dyja ekipet janë me pikë të barabarta, 19 secila, në krye të klasifikimit. Një duel që pritet të udhëheqë kampionatin deri në fund të tij, pasi të dy ekipet kanë krijuar shkëputje nga ndjekësit.
