Operacioni Forca e Ligjit i ka kërkuar deklarim të pasurisë dy të dënuarve në Itali për trafik droge.
Konkretisht, OFL-njoftoi se bëhet fjalë për Gazmend Mahmutaj dhe Edison Çobo nga Berati.
Ata kanë marrë me shkrim kërkesën nga OFL për të dorëzuar një autodeklaratë për pasuritë dhe burimin e tyre.
Edison Çobo është i dënuar në Itali për trafik droge. Në 24 mars të vitit 2018 ai u arrestua, pasi ishte shpallur në kërkim pasi Gjykata e Fierit në vitin 2017 për prodhim dhe shitje droge në bashkëpunim.
Por ngjarja më e rëndë për të cilën është akuzuar ai është ajo e vitit 2013 ku Çobo së bashku me tre persona të tjerë grabitën shtëpinë e biznesmenit Edmond Piti nga Ura Vajgurore. Ata e detyruan atë t’u jepte 20 milionë lekë të reja.
Gazmend Mahmutaj është dënuar për trafik droge dhe shfrytëzim prostitucioni në Itali. Ai është një personazh i njohur i botës së krimit në Berat. Ai ka qenë i përfshirë dhe në dhunimin e një zyrtari të LSI-së, në vitin 2017, konkretisht kryetarit të LSI-së në Gjoroven të Beratit Krenar Shehu. Emri i Mahmutajt ka qenë i lidhur dhe me atë të kreut të PR-së, Fatmir Mediu. Në vitin 1998 u aludua se ky i fundit lehtësoi kalimin e Mahmutajt në shtetin fqinj. Për këtë ngjarje Mediu u dënua fillimisht nga gjykata italiane por më pas mori pafajsinë në Gjykatën e Lartë të Italisë. /Opinion.al
