Një grua marokene në Emiratet e Bashkuara Arabe akuzohet se ka vrarë të dashurin e saj dhe gatoi eshtrat e tij. Prokurorët bëjnë me dije se ajo e ka vrarë atë rreth tre muaj më parë. Por vetëm kohët e fundit u zbulua krimi pasi një dhëmb njeriu iu gjend brenda blenderit.
Ajo ka qenë në një marrëdhënie me viktimën për 7 vite. Sipas gazetës “The National”, ajo e kreu krimin fill sapo i dashuri i rrëfeu se do të martohej me dikë tjetër.
Policët nuk dhanë të tjera mbi ngjarjen. Por shtuan se gruaja i kishte gatuar eshtrat e të ndjerit në disa gatime tradicionale me oriz dhe mish. Dhe ua kishte dërguar disa punëtorëve nga Pakistani që punonin aty rrotull.
Krimi u zbulua vetëm kur vëllai i viktimës shkoi të kërkonte për të në shtëpinë e tyre në qytetin e Al Ain. Aty vuri re një dhëmb njeriu në blender.
Menjëherë bëri denoncimin në polici. Më vonë pas analizave të AND-së u vërtetua se dhëmbi i përkiste të vëllait.
Gruaja është dërguar në spital për kontroll të shëndetit mendor.
