Një shqiptar është dënuar me 8 vjet heqje lirie në Itali për akuzat e rrëmbimit, përdhunimit , keqtrajtimit të të dashurës së tij 18-vjeçare. Mësohet se shqiptari Kledjan Hoxhaj ka kërkuar gjykim të shkurtuar duke marrë 1/3 e dënimit dhe aktualisht ndodhet në burgun e Pratos.
Kjo ngjarje tronditëse ku është bërë protagonist 21-vjeçari shqiptar daton që prej vitit 2017. Ai ka qenë i lidhur me një 18-vjeçare dhe ka shfaqur ndaj saj xhelozi në nivele paranojake.
Në të paktën 3 ose 4 raste e kishte rrahur për ta ‘dënuar’ për sjelljet e saj që atij nuk i pëlqenin. Vajza e dashuruar pas tij nuk e kishte denoncuar asnjëherë. Një mbrëmje ajo kishte pranuar të flinte për herë të parë në shtëpinë e Hoxhaj, ku jetonte vetëm, por papritur ai nisi të bëhej agresiv.
E kishte lidhur vajzën në krevat dhe më pas e kishte përdhunuar pa patur mundësi që ajo të kundërshtonte. Më pas për shkak të xhelozisë së tij të sëmurë e kishte grushtuar vajzën dhe më pas e kishte kapur nga qafa.
Gjithashtu e kishte qëlluar bishtin e një fshese, e cila ishte thyer në dysh nga forca me të cilën ai i gjuante. Një natë terrori e pambarimtë për vajzën, së cilës i kishte hequr edhe telefonin për ta penguar të thërrasë ndihmë, shkruajnë mediat italiane. Më pas në mëngjes rreth mesditës ai është veshur për të dalë duke e mbyllur të renë në shtëpi, por fatmirësisht ajo kishte përfituar nga një çast pakujdesie të 21-vjeçarit shqiptar, për të marrë telefonin e saj duke i telefonuar prindërve.
Përpara se të largohej nga shtëpia ai e kishte kërcënuar për vdekje: “Nëse më denoncon do të vras”. Prindërit e tronditur të vajzës e dërguan menjëherë në spital ku iu gjetën plagë dhe ematoma në të gjithë trupin nga brutaliteti i djalit.
Sipas mediave italiane në fillim vajza nuk donte ta denonconte pasi ndihej shumë e frikësuar. Në çastin kur ka parë policët që donin ta arrestonin, Kledjan Hoxhaj nuk është dukur i penduar apo i trembur.
Madje u shpreh se thjesht kishte mbrojtur veten nga vajza. Për shkak të gjykimit të shkurtuar ai ka përfituar uljen e 1/3 së dënimit dhe do të vuajë 8 vjet burg./Opinion.al/
