Më shumë se 5 mijë fansa prisnin mbërritjen e avionit me Lukakun në bord jashtë aeroportit Ciampino për t’i uruar mirëseardhjen.
Avioni i tij u ul në orën 17:40 të martën e 29 gushtit, ku mijëra njerëz që përballuan motin e keq u mblodhën disa orë përpara në parkingun jashtë pistës për të parë ish-qendërsulmuesin e Interit dhe Chelseat, Romelu Lukaku, të zbarkonte në kryeqytet.
Me eufori dhe dëshirën për të parë gjigantin belg të zbriste me sytë e tyre shkallët e atij avioni të shumëpritur, tifozët e rinj dhe të vjetër të shumtë në numër, kanë hipur mbi makina për të pritur Lukakun, me disa nga mjetet që janë dëmtuar.
Në Romë e kanë pritur “me lule” sulmuesin, teksa tifozët kanë prishur edhe makinat e tyre për të parë shtatëlartin.
Dhe nëse sot ishte një ditë që mbështetësit e romëve nuk do ta harrojnë lehtë, e njëjta gjë do të jetë e vërtetë edhe për pronarët e makinave të parkuara në P9 jashtë aeroportit Ciampino.
Sulmuesi belg dhe klubi i Serie A kanë gjetur akordin, teksa “big Rom” do jetë pjesë e verdhekuqve deri në fundin e sezonit.
Tanimë Mourinho ka një “as” më shumë në sulm, me belgun që do prezantohet sot në ekipin e ri./Opinion.al
