Të buzëqeshur dhe duke lënë mënjanë akuzat e para disa kohëve, 4 përfaqësues të qeverisë, opozitës jo parlamentare dhe asaj parlamentare u ulën këtë të martë rreth orës 13:00 në një tryezë për reformën zgjedhore.
Nga ajo që la të kuptohej nëpërmjet deklaratës së kreut të PD-së, duke se faktori ndërkombëtar me presion apo me ofertë e ka bërë punën e vetë për t’i ulur palët në këtë tryezë, që sipas opozitës do të sillte dhe fundin e krizës politike duke e çuar vendin në zgjedhje të parakohshme parlamentare dhe lokale.
Po ashtu në media është raportuar se dy përfaqësuesit, Damian Gjiknuri dhe Oerd Bylykbashi kanë patur takime të fshehta mes tyre, larg komunikimit me publikun në mënyrë të vazhdueshme prej muajsh, ku kanë dakordësuar disa korniza të përgjithshme. Pas takimit në media kanë dalë dhe konkluzionet për këtë reformë.
Nga ana tjetër sipas PS-së, mes palëve është rënë parimisht dakord për depolitizimin e administratës zgjedhore dhe se nuk do të ketë shkrirje të komisionit të posaçëm për të ngritur një tjetër ku të ketë përfaqësues të PD dhe ndërkombëtarë nuk mund të bëhet.
Pikat kyçe të propozimit të opozitës janë tre:
-Miratim i reformës zgjedhore në mënyrë transparente, gjithëpërfshirëse, konsensuale mes partive politike.
-Hartimi dhe diskutimi i reformës jashtë parlamentit në tryezën politike të partive.
-Miratimi pa ndryshime nga komisioni dhe Parlamenti i produktit konsensual të tryezës politike./ Opinion.al
