Kreu i “Nismës Shqipëria Bëhet”, Adriatik Lapaj ka reaguar sërish për përfshirjen e prindërve të anëtarëve të koalicionit në listën e mbyllur.
Përmes një postimi në rrjete sociale, Lapaj thotë se ‘prindërit tanë janë aty që të çojnë në kosh të plehrave listat tuaja të mbyllura.’
Ai thotë se ka 2 muaj kohë për ta sqaruar këtë çështje për të gjithë qytetarët në bashkëbisedimet live.
“Kanë nisur krejt tytat e baltës për të denigruar zgjedhjen tonë që prindërit tanë të jenë në listat e mbyllura si garanci për garën tonë në listat e hapura. Me gjasme ne po kandidojmë baballarët. A të mjerë që s’u ngopët duke e shqyer këtë vend!
Ne po shkojmë me lista të hapura, pra do garojmë. Nuk ka kandidat kryetarësh, por garë. Prindërit tanë janë aty që të çojnë në kosh të plehrave listat tuaja të mbyllura. Pa merak, se kemi 2 muaj kohë e do i sqarojmë të gjitha për qytetarët në bashkëbisedimet live“, shkruan Lapaj.
