Taulant Muka është zv.ministri i ri i Arsimit dhe Sportit. Ai zëvendëson në këtë detyrë Ervin Demon që dha dorëheqjen pak kohë më parë.
Demo u akuzua nga Taulant Muka për plagjiaturë. Ai denoncoi plagjiaturën që sipas tij zv.ministri i Arsimit Ervin Demo kishte bërë në 2011. Plagjiatura ishte bërë në një artikull me titullin “Universitetet dhe transferimi i teknologjisë”.
Por pak javë pas dorëheqjes së Demos, Taulant Muka i ka marrë postin e zv.ministrit me emërim të kryeministrit Edi Rama.
Por nëse do i hidhnim një sy profilit të Mukës do të shihnim , qe jo më shumë se një vit më parë ai fliste me tone të ashpra kundër kryeministrit të vendit.
Edhe pse shumica e statuseve të tij janë fshirë, në profilin e tij akoma mund të gjesh disa të tillë.
Ai ka qënë hapur një kritik i qeverisë me anë të statuseve, komenteve dhe diskutimeve të tij.
Por çfarë ndryshoi në kaq pak kohë?
Taulanti, i cili prej pak vitesh jeton e punon në Kopenhagen të Danimarkës ishte gati të shkeputej nga kërkimet e tij shkencore. Për ti shërbyer qeverisë, të cilën para një viti kërkonte ta hidhte poshtë.
Mos ndoshta Rama nuk i ka lexuar qëndrimet e Mukës apo është kjo një strategji mbështetur në thënien: Mbaj afër mikun,por me afër armikun?!/Opinion.al
Nga: Elida Marvataj
