Kryetari i Komisionit Hetimor për çështjen e privatizimit të OSHEE, Taulant Balla ka publikuar një shkresë ku duket se djali i Sali Berishës ka firmosur për një shumë prej 200 mijë euros. Balla echte shprehur:
“Kjo shumë i është kaluar në llogari nga biznesmeni Ismail Mulleti, emri i të cilit doli në kompanitë off shore të “Panama Papers”.
Mulleti ishte bashkëpronar i GFI Technologies me një izraelit të quajtur Assaf Halkin. Kjo kompani në Shqipëri ka fituar koncensionin e markimit të karburanteve në kohën e qeverisë Berisha.
Sipas Ballës, Shkëlzen Berisha dhe qeveria e të atit kishin lidhje me Ismail Mulletin.
“Banka e nivelit të dytë na ka sjellë transaksionet nga llogaritë e Shkëlzen Berishës. Vetëm në një ditë (data 22 qershor 2009) ky person ka marrë 200 mijë euro nga Ismail Mulleti. Kemi transaksionin, prandaj nuk përgjigjet dhe fshihet ky person, pas një palo vendimi të një gjyqtari të emëruar nga babai, por që nuk ka lidhje me këtë cështje”, tha Balla dje gjatë komisionit hetimor.
Më vonë Balla publikoi në facebook shkresen në fjalë duke akuzuar Shkëlzenin se ka qenë sekser i të atit në kohën kur vendi qeverisej nga Sali Berisha. Ndërkohë transaksioni i publikuar bën fjale per një ndërmjetësim per blerje toke në fshatin Rinia në qarkun e Durrësit.
Shkëlzen Berisha e ka quajtur në të gjithë thirrjet e tij në Komisionin e CEZ shpifës Taulant Ballën dhe në konflikt interesi, duke i kujtuar që ka humbur një gjyq per shpifje me të./Opinion.al
