Kryetari i grupit parlamentar në PS, Taulant Balla ka folur lidhur me qëndrimet e fundit të presidentit apo përplasjet e tij me mazhorancën dhe Kryeministrin.
Sipas Ballës, Meta nuk po sillet si president i vendit, por si kryetar i LSI. Në një lidhje në emisionin “Opinion” Taulant Balla shprehu pendesë për faktin që ai kishte votuar në kuvend emrin e Ilir Metës si president.
“Unë kërkoj ndjesë për votën që kam dhënë, por para 3 vitesh isha i detyruar ta zgjidhja sepse PS nuk i kishte votat për të zgjedhur presidentin dhe ka qenë pjesë e një marrëveshjeje, sepse PS i respekton marrërveshjet. Por kushdo në studion tuaj bie dakord që ky nuk është presidenti i shqiptarëve, është kryetari i LSI” u shpreh Balla duke shtuar se në zgjedhjet e 25 Prillit, Meta dhe Basha do të marrin një ndëshkim të ri.
Duke përdorur një shprehje të kryeministrit, edhe Taulant Balla e cilësoi presidentin një sherrxhi të politikës./Opinion.al
