Taulant Balla me sa duket nuk ka patur rrugë tjeter për të bërë Berishën të shkojë në komisionin hetimor për CEZ veçse ta kërcënojë nga salla e parlamentit. Nëse nuk vjen më 14 nëntor do të njoftoj policinë tha Balla.
Pjesë nga fjala e deputetit socialist në parlament
Zoti Sali Berisha, je thirrur dëshmitar në këtë komision për të dëshmuar. Kemi marrë një përgjigje nga kreu i PD se në seancën e parashikuar para pak kohësh s’kishe mundësi të vije, se vetë nuk përgjigjesh ti. Tani po ta them këtu në sallën e Kuvendit të Shqipërisë sipas ligjit për komisionet hetimore, je i detyruar të vish me vullnet të lirë, në të kundërt do ti kërkojmë Policisë së Shtetit të të sjellë me zor në komision hetimore, ta dish. Mirë bën që në datë 14 nëntor ora 10:00, je i pari aty për të dëshmuar. Unë e di që ti i ke frikë këto prokuroritë e komisionet hetimore e tjera me radhë. Bën mirë të vish, të fillosh një proces shpëlarje pas gjithë këtyre ngarkesave që ke këto vite”,- tha Balla.
