32-vjeçari shkodran që humbi jetën në Genova pas shembjes së urës Morandi, është identifikuar nga një tatuazh që ai mbante. Këtë fakt e ka rrëfyer në një lidhje telefonike për ‘News24’, Ruzhdi Mashku, i afërm i tij, i cili tregoi se Edi sikurse e thërrisnin, jetonte në Itali prej moshës 12 vjeçare.
“Një ditë para se të vdiste, Admiri ka festuar 3 vjetorin e martesës. Që prej moshës 12 vjeçare ka shkuar në Itali. Ai dje po shkonte në punë. Trupi është identifikuar përmes një tatuazhi në trup. Prindërit e tij janë nisur drejt Italisë mëngjesin e kësaj të mërkure. Fillimisht të afërmit janë bërë merak se nuk përgjigjej në celular. Admir Bokrina jetonte me bashkëshorten në Itali. Ishte bashkë me një shok kur ndodhi tragjedia”, tha Ruzhdi Mashku.
