Ministrja e Financave, Dalina Ibrahimaj është pyetur nga gazetarët lidhur me kontrollet që Tatimet kanë ushtruar në bizneset e Agron Dukës në kohën kur i vëllai, Armand Duka është i përfshirë në debatin për kreun e FSHF.
Ibrahimaj është shprehur se kjo është një rastësi dhe se kontrolli nga Tatimet është bërë pas disa denoncimeve të paraqitura.
“Rasti në fjalë është rastësi që ndodh pikërisht në këtë moment, pasi vjen në zbatim të një denoncimi dhe një sërë denoncimesh të ardhura, të cilat administrata shtetërore duhet t’i verifikojë brenda një afati 7 ditor.
Ka qenë komplet në zbatim të procedurave dhe planit të punës të administratës. Subjekti që ju përmendët, por dhe subjekte të tjera, janë subjekte të kontrolleve të shpeshta tatimore, për të ezauruar të gjitha denoncimet, me qëllim përmbushjen e objektivave të administratës për uljen e informalitetit dhe objektivave të tjera që ju i dini tashmë”,-tha Ibrahimaj./Opinion.al
