Në ditët e sotme të gjithë po përdorin smartphone, madje duke shpenzuar një pjesë të madhe të kohës. Shumica e të rinjve pothuajse gjatë gjithë ditës shkruajnë dhe dërgojnë mesazhe. Por, sa e vështirë është të shkruani me një dorë?
Po të kemi parasysh modelet e fundit të smartphone që janë me ekran të madh, është disi e vështirë për të shkruar mesazhe me një dorë. Tashmë, edhe kjo gjë ka një zgjidhje. Microsoft ka krijuar një aplikacion të ri që ju a bën më të lehtë shkrimin me një dorë. Për momentin aplikacioni është i disponueshëm vetëm për përdoruesit e Apple.
Aplikacioni i ri është një koncept revolucionar, ku shkronjat janë të harkuara dhe të pozicionuara jo në mënyrë horizontale. Duke qenë të harkuara, do ta keni më të lehtë të shkruani me një dorë. Tastiera e re është e projektuar edhe për të ata që shkruajnë me dorën e majtë, duke zgjedhur opsionin se në cilën anë të ekranit dëshironi t’iu shfaqet tastiera.
