Vladimir Putin është i interesuar për makinat po aq sa dhe për industrinë ruse të prodhimit të tyre. Ndaj me nxitjen e tij dhe natyrisht, me fonde shtetërore, u themelua industria e makinave “Aurus”, e cila krijoi limuzinën 7.0, natyrisht e blinduar dhe që tani përdoret nga presidenti i vendit.
“Aurus Senat”, siç quhet makina, u prezantua me madhështi në shfaqjen e Gjenevës në vitin 2019, ndërsa tani nis prodhimi i saj më I gjerë. Në fakt, ka shumë që e konsiderojnë atë si një rival frymëzues i “Rolls Royce”, me çmimet që fillojnë nga 200,000 euro.
“Senat” është në dispozicion në dy variante, i blinduar ose jo, në 5.63 dhe 6.63 metra, në sistemin V8 me dy turbo, ndërsa motori elektrik është prodhim o Kalaschnikoë (nuk ka lidhje me automatikun AK47 Kalaschnikov).
Transmisioni automatik me 9 shpejtësi është zhvilluar nga vetë Aurus, shpejtësia përfundimtare arrin 250 km / orë, ndërsa deri më tani nuk është siguruar asnjë version elektrik. Të paktën për tregun rus.
Brendësia është sigurisht luksoze, instrumentet janë dixhitale, ka të gjitha lehtësitë që dikush pret nga një makinë e tillë, ka ekrane të mëdhënj dhe sigurisht frigoriferët për pijet e ftohta. Aurus, megjithatë, ka deklaruar se 70% e “Senat” është menduar për eksport./Opinion.al
