28-vjeçar, Brenton Tarrant, i cili sulmoi dy xhamitë në Zenalndën e Re po dëgjonte”Karadxhiç drejtoji serbët e tu”. Bëhet fjalë për një këngë luftarake të serbëve boshnjakë, që në vitet 90-të luftuan në Jugosllavi kundër myslimanëve në shumicë në ushtrinë e Bosnje-Hercegovinës dhe himnizon komandantin e atëhershëm serb, Radovan Karadxhiç.
Këtë këngë e ka shkruar në vitin 1993, Zeljko Grmusha, që donte të forconte me të moralin e trupave serbe.
“Është e tmerrshme se çfarë ka bërë ky njeri në Zelandën e Re, natyrisht e dënoj këtë, më vjen keq për të gjithë ata njerëz të pafajshëm”, citon gazeta serbe “Kurier”, muzikantin amator. Zeljko Grmusha jeton në Kroaci dhe tani ka frikë për sigurinë e tij.
Kjo këngë do ishte harruar, nëse persona të panjohur nuk do të kishin nxjerrë variante të tjera të saj me titrat anglisht “Remove Kebab”. Videot me përmbajtje kundër myslimanëve janë klikuar miliona herë dhe janë shoqëruar me komente raciste.
Po ashtu autoritete kanë zbuluar se Brenton Tarrant ka qenë disa herë në Ballkan para atentatit. Në vitin 2018 ai vizitoi si turist vende historike. Më vonë sipas të dhënave të Prokurorisë së Përgjithshme Bullgare ai ka udhëtuar në Rumani dhe Hungari. Dy vite më parë ai kishte vizituar Serbinë, Bosnje-Hercegovinën dhe Kroacinë./ Opinion.al
