Rama premtoi sot se tarifat e studentëve do të përgjysmohen. Pra nga Janari studentët do të paguajnë vetëm 50 për qind të tarifës aktuale, ndërsa pjesa tjetër do të financohet nga buxheti i shtetit. Tarifa e përgjysmuar do jetë për nivelin Bachelor, ndërsa Rama nuk specifikoi nëse do të ulen tarifat dhe për Masterin.
Një student replikoi me Kryeministrin, duke shfaqur mosbesim ndaj tij. Kjo e acaroi Kryeministrin i cili i tha studentit se ju nuk mund të më merrni peng.
Studenti: Nëse thua kërkesat plotësohen, atëherë bëj një deklaratë zyrtare me shkrim, që këto që thua do të plotësohen.
Rama: Deklaratë zyrtare nuk të bëj unë, as ty, as atyre që të kanë mënyra ty të kërkosh këtë, se nuk jam peng këtu, ne këtu jemi partnerë, nuk më keni marrë peng këtu. Që të të jap unë deklaratë zyrtare, që të them shko festo se me ke marrë peng, nuk ndodh. Atyre që ua thonë këtë u thoni se kjo nuk është demokracia.
Kur e paguani tarifën ju? Në Janar…atëhere kur të shkoni atje do paguani 50 për qind të tarfiës që keni tani. Po u kërkuan më shumë këta (fakultetet) merr megafonin e hajde bërtit tek zyra ime. Kjo është deklarata se unë jam këtu i gjatë 1.98 cm dhe skam nevojë të ta jap me shkrim se po e them me zë e me figurë. Mos e bëni si ai dekani i Arkitekturës që ju tha ato të janarit i paguani në dhjetor, mua më mban erë ajo, nuk e kuptoj dot.
/Opinion.al
