Rajoni

Targat/Serbët në protestë në veri, polici kosovar iu flet shqip


Bëhu pjesë e Grupit Zyrtar të Opinion.al
>> KËTU <<
               Publikuar në : 10:44 - 20/09/21 |
Opi Nion

Duke filluar nga kjo e hënë qeveria e Kosovës ka marrë vendim të ndalojë hyrjen e automjeteve me targa të Serbisë.

Për të mbikëqyrur zbatimin e marrëveshjes së reciprocitetit për tagrat janë vendosur forca të shtuara të Njësisë Speciale të Kosovës në pikat kufitare me Serbinë në veri të vendit.

Por, kjo lëvizje ka shkaktuar reagimin e qytetarëve serbë të cilët kanë dalë në protestë duke bllokuar rrugën. Një nga pjesëtarët e policisë u është drejtuar atyre në gjuhën shqipe duke iu thënë se protesta nuk u ndalohet, por rrugën duhet ta lirojnë.

Në një video të publikuar nga mediat serbe, dëgjohet pjesëtari i Policisë së Kosovës duke iu drejtuar shqip protestuesve.

“Ose vazhdoni këndej ose ktheheni mbrapa. Protestën askush nuk ua ndalon por rruga duhet mu liru. Vetëm e lironi rrugën, me protestu protestoni. Besoj që jemi të qartë”, tha ai.

Me Marrëveshjen e Brukselit për lëvizjen e lirë, e cila u arrit në korrik të vitin 2011 në dialogun teknik ndërmjet Kosovës dhe Serbisë, ishte përcaktuar që të gjithë pronarët e veturave që banojnë në Kosovë, duhet të përdorin targat RKS (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë./Opinion.al

 

Pas