Drejtoria Përgjithshme e Shërbimeve të Transportit Rrugor ka lajmëruar disa ndryshime në marrjen e targave të veçanta.
“Rreth 3500 Targa të Bukura në vit ishin privilegj/pronë e drejtorave, sot janë shërbimi më i ri i DPSHTRR me zgjedhje në sistemin e ri online! Pa MIK, pa i gjet nr a muzën DREJTORIT! Tarifat i shkojnë arkës publike, jo shefave! Merr fund një fenomen që s’na nderonte.” shkruhet ndër të tjera në njoftimet e DPSHTRR në faqen e tyre zyrtare, në rrjetin social Facebook.
Gjithashtu në njoftime publikohet dhe tarifa për secilën kategori:
Kategoria A. Së cilës i përkon tarifa prej 30,000 Lekë dhe përmban targat si 001, 007 dhe tre numrat e njëjtë 111, 222,…,999.
Kategoria B që i përkon tarifa 20,000 Lekë dhe përmban targat që fillojnë me dy zero përveç 001 dhe 007. Pra nga 002, 003,…,009. Po ashtu targat që mbarojnë me dy zero 100, 200,…,900 dhe targat me dy numrat anësor njësoj, pra që kanë zero në mes 101, 202,…,909. /Opinion.al
