Kryetari i Partisë Demokratike, Lulzim Basha, sonte, në një lidhje direkte nga çadra e protestës për emisionin Opinion ka deklaruar se opozita nuk leviz nga vendimi i saj, ajo kërkon qeveri teknike dhe jo kokën e disa ministrave.
Kreu i opozitës, tregoi se largimi i atyre ministrave ka ardhur si pasojë e qeverisjes së Shqipërisë nga rivaliteti mes bandave.
Basha tha se është fakt se në Shqipëri nuk qeveriset nga politikanë të mirë dhe të këqinj, por nga bandat rivale mes tyre.
Ai tregoi se Edi Rama nuk qeveris me platformë politike, por me një filozofi bandash.
“Është zëvëndësuar përfaqësuesi i një bande me një bandë tjetër. Është zëvëndësuar me bandën e Hakmarrjes për Drejtësi”, kumtoi Basha.
Basha theksoi se nuk ka pasur asnjë marrëveshje për t’u tërhequr nga protesta, e vërteta e hidhur është se largimi i ministrave të kabinetit ishte rezultat i përplasjes mes bandave, dy ministrat Klosi dhe Çuçi, erdhën si pasojë e konfliktit mes dy bandave që përfaqësohen nga Tahiri dhe Xhafaj, dy ministrat e tjerë janë gjethe fiku.
Blendi Fevziu: A ishit në dijeni ju se Rama do zëvendësonte Tahirin dhe më pas tre ministrave të tjerë?
Lulzim Basha: E mora vesh në momentin kur filloi të qarkullojë lajmi.
B.F: Ka pasur një lajm se mes jush dhe zotit Rama ka pasur një marrëveshje, që Rama të largonte Tahirin dhe Beqajn dhe ndoshta dy tre ministra të tjerë dhe ju të ngrinit çadrën e protestës?
L.B: Të ngrejmë çadrën e protestës për t’u futur në Kryeministri, e ke fjalën?
B.F: Si për t;u futur në Kryeministri?
Çadra e protestës nuk ngrihet pa qeveri teknike dhe pa largimin e Edi Ramës. Ky është një vendim i marrë dhe i shpallur. Këto që thuhen janë broçkulla dhe jo lajme. Këto nuk fshihen me ndryshimet në qeveri.
B.F: E thënë ndryshe, a ja u solli kokën e Tahirit dhe Beqajt në tavolinë që të mbyllnit protestën?
L.B: Janë broçkulla. E thashë njëherë këtë.
Kreu i opozitës, deklaroi se nuk kemi kërkuar largimin e Tahirit, por prej 20 e ca ditësh, ne kemi kërkuar largimin e Ramës dhe qeveri teknike për t’i hapur rrugën zgjedhjeve të lira dhe të ndershme.
Sipas Bashës, Edi Rama vërtetoi me veprimet e tij se nuk qeveris nëpërmjet një kabinetei qeveritar por përmes bandave që përfaqësohen në kabinet.
Kreu i PD-së, në lidhjen direkte nga çadra e protestës është pyetur edhe nëse ka pasur ndonjë mesazh nga Edi Rama për ndonjë ndërmjetësim, ai e ka mohur kategorikisht diçka të tillë duke u përgjigjur: zero, janë thjesht spekulime.
B.F: A keni patur mesazh nga Rama për mbyllje proteste?
L.B: Zero janë spekullime
B.F: A janë ardhur ndërkombëtarë për një ndërmjetësim?
L.B: Zero. Edi Rama është ai që nxjerr spekullime të tilla. E vërteta e hidhur që çdo shqiptar duhet të marr vesh, ishte një përplasje mes bandash. Beqja është ndër figuart më të urryera.
Ky kryeministër bën teatër. Këtu thelbi është zëvendësimi i bandave. Ikën Tahiri vjen Xhafaj. Ne kërkojmë largimin e Ramës, ka ikur ai tren. Rama tregoi që nuk qeveris përmes një kabinetit por nëpërmjet bandave.
B.F: A ka patur ndonjë ndërkombëtar për ty futur ndërmjetës?
L.B: Përgjigja është zero dhe s’ka.
B.F: Çfarë do jepnit ju në këmbim të mbylljes së protestës?
L.B: Rama nëpërmjet lëvizjes tregoi qe qeveris nëpërmjet bandave. Heq një dhe vendos një bandë tjetër. Kjo është arsyeja pse jemi këtu dhe do jemi derisa të krijohet qeveria teknike.
Më tej, Basha theksoi se kryeministri Edi Rama është kërcënimi më serioz për Shqipërinë. Ai shtoi se i vetmi lajm i mirë për Ramën është çlirimi nga krimi dhe interesat kriminale.
