Talibanët kanë marrë urdhër që të ndalojnë gratë afgane të punojnë në Kombet e Bashkuara, ka thënë organizata.
OKB-ja ka bërë të ditur se talibanët i kanë informuar ato verbalisht, mirëpo nuk ekzistojnë komunikime me shkrime.
Kombet e Bashkuara i kanë komunikuar me stafin afgan, burrave dhe grave, duke i thënë që të mos raportojnë në punë për 48 orë, derisa të sqarohet kjo çështje në takimet me talibanët.
Që nga periudha kur talibanët janë kthyer në pushtet në Afganistan, në gusht të vitit 2021, të drejtat e grave janë shtypur në pothuajse çdo sektor.
“Ky është hapi i fundit që rrezikon tentimet e organizatave për ndihmë që të arrijnë te ata që kanë më së shumti nevojë”, ka thënë një zëdhënës i OKB-së, duke shtuar se “nuk mund të operojnë dhe të ofrojnë ndihmë kyçe, pa gra në staf”.
OKB-ja e ka konsideruar urdhrin e talibanëve si “të papranueshëm”.
Sipas organizatës, punëtoret femra luajnë një rol të rëndësishëm në operacionet në terren, sidomos në identifikimin e grave të tjera në nevojë.
OKB ka thënë se ka qenë duke punuar për të siguruar ndihmë humanitare për 23 milionë njerëz në Afganistan, të cilët përballen me kushte të rënda dhe krizë humanitare./REL
