Olge Balliu, 13 vjeç, futbollisti me origjinë shqiptare ka tërhequr vëmendjen e Realit të Madridit, teksa ka kaluar me sukses dy prova në klubin e madh spanjoll.
Babai i tij, Lulzimi, emigrant në Itali që prej viteve 2000, tregon për mediat italiane se bashkë me të birin 13-vjeçar shkoi në kampingun e Realit, në Kurtarolo të Italisë dhe se aty trajnerët u habitën me aftësinë e Olgit.
Fillimisht, Balliu që luan si mesfushor për ekipet e moshave të vogla të klubit të Çitadelës , shkoi në Madrid në korrik të vitit të kaluar, ndërsa këtë vit pati ftesën e dytë në 4 Janar. Por rregullat e UEFA-s janë të qarta, duhet të kalojnë 3 vjet, pra derisa ai të mbushë 16 vjeç, që të mund të fitojë një kontratë dhe të largohet nga familja.
Prindërit po mendojnë të zhvendosen për në Spanjë, që tani, edhe pse e dinë se nuk do të jetë e lehtë. /Opinion.al
