Bota

Talebanët drejt kontrollit të plotë, në duart e qeverisë vetëm Kabuli


Bëhu pjesë e Grupit Zyrtar të Opinion.al
>> KËTU <<
               Publikuar në : 08:58 - 15/08/21 |
Opi Nion

Talebanët janë drejt kontrollit të plotë të Afganistanit, ku në duart e qeverisë ka mbetur vetëm kryeqyteti, Kabuli.

Të dielën militantët morën pa luftë kontrollin e Jalalabad, një qytet tjetër kyç në lindje të vendit.

Më tej ata morën bastionin verior të qeverisë së Mazar-i-Sharif.

BBC shkruan se rrëzimi i shpejtë i forcave qeveritare e ka lënë Presidentin Ashraf Ghani nën presion në rritje për të dhënë dorëheqjen.

Ai duket se po përballet me një zgjedhje të vështirë mes dorëzimit ose luftës për të mbajtur kryeqytetin.

Ndërkohë, SHBA ka filluar evakuimin e anëtarëve të stafit nga ambasada e saj në Kabul. Të dielën në mëngjes stafi i ambasadës u dërgua në aeroport ku u panë duke hipur në gjashtë aeroplanë të mëdhenj të transportit ushtarak. Shtetet e Bashkuara kanë vendosur 5,000 trupa për të ndihmuar në operacion.

Presidenti Joe Biden ka mbrojtur vendimin e tij për të përshkallëzuar tërheqjen e SHBA nga Afganistani, duke thënë se ai nuk mund të justifikojë një “prani të pafundme amerikane në mes të konfliktit civil të një vendi tjetër”.

Raportet të dielën në mëngjes thanë se talebanët pushtuan Jalalabad, kryeqytetin e provincës Nangarhar, pa u luftë.

“Nuk ka përplasje që po ndodhin tani në Jalalabad sepse guvernatori i është dorëzuar talebanëve,” tha një zyrtar lokal afgan.

Lejimi i kalimit të talebanëve ishte mënyra e vetme për të shpëtuar jetën e civilëve./Opinion.al

Pas