Deputetja e Partisë Demokratike, Jorida Tabaku ka folur një ditë pas seancës në Gjykatën Kushtetuese për profesionet e lira.
Me një vidoemesazh në rrjetet sociale, Tabaku u shpreh se në vitet e fundit qeveria socialiste ka ndryshuar pothuajse 23 herë ligjin e taksave.
Ajo theksoi se beteja për Profesionet e Lira është betejë kundër sistemit korruptiv të qeverisë socialiste.
“Beteja për Profesionet e Lira është një betejë e drejtë! Është një betejë për të mbrojtur punën, për të mbrojtur ata që me ndershmëri paguajnë taksat. Në 10 vitet e fundit qeveria socialiste ka ndryshuar pothuajse 23 herë ligjin e taksave duke vendosur taksa jo të drejta, jo propocionale, taksa të cilat e kanë dëmtuar shtresën e mesme dhe kanë qenë një ngarkesë për ato që me ndershmëri e paguajnë taksën.
Ndërkohë që nga ana tjetër ka lejuar abuzimin, informalitetin dhe ka lejuar ngritjen e një sistemi korruptiv, i cili sot rezulton në pothuajse 11.000 biznese të mbyllura vetëm vitin e fundit. 169 Profesionet e Lira, me pothuajse 30.000 profesionistë, janë duke u përballur me këtë taksë anti-kushtetuese dhe të padrejtë”, tha Tabaku.
