Kryeministri kosovar, Ramush Haradinaj, nuk ka ndërmend të bëjë prapakthehu në lidhjen me taksën 100 përqind që ka vendosur ndaj mallrave serbë dhe boshnjake.
Dhe nuk ka ndërmend të sprapset edhe nëse do ti duhet të prishet me këdo.
Deklaratën Haradinaj e ka bërë ditën e sotme, ndërsa u pyet nëse qëndrimi i shprehur në letrën drejtuar shteteve anëtare të QUINT-it, po i prish marrëdhëniet me ndërkombëtarët,
“Nëse njëra nga kushtet që e kam nxjerrë unë më prish me dikë, nuk ka problem. Dua të qëndroj mirë me të drejtën time. Nëse dikush ka probleme me ato kërkesa, atëherë jemi të prishur. Nëse munden pa marrëveshje, mundemi edhe ne. 2020-ta po vjen, Serbia do të hyjë në BE. Nuk e di pse ne duhet me dhënë nga vetja në këto rrethana. Kushdo që ka probleme, si i brendshëm si i jashtëm me këto kërkesa, del kundër të drejtës tonë. Ne nuk kemi mirëkuptim me dikë që ka probleme me këto kërkesa. I bie tërheqje e njohjes. Unë nuk besoj që SHBA-ja ka probleme me këto kushte, por kushdo që ka, atëherë dihet në çfarë marrëdhëniesh futemi”, tha Haradinaj gjatë konferencës për shtyp. Burimi: Gazeta Express
