Ambasadorja e SHBA në Tiranë, Yuri Kim, ka takuar këtë të martë ministrin e Drejtësisë, Ulsi Manja.
Në një status në “Twitter”, Kim bën me dije se gjatë takimit është diskutuar mbi progresin dhe hapat e ardhshëm të zbatimit të reformës në drejtësi.
Ambasadorja amerikane thekson se njerëzit meritojnë rezultate reale nga reforma në drejtësi.
“Takimi shumë produktiv me Ministrin e Drejtësisë Ulsi Manja për të diskutuar progresin dhe hapat e ardhshëm në zbatimin e reformës në drejtësi. Fokusi i mbështetjes së SHBA-ve këtë vit është: eliminimi i mangësive dhe joefikasitetit, veçanërisht për të reduktuar numrin e çështjeve të të pazgjidhura në gjykatat administrative duke iu përgjigjur shqetësimeve të qytetarëve për pretendimet dhe të drejtat pronësore në kohë, në mënyrë transparence dhe të plotë, gjë që është gjithashtu e rëndësishme për tërheqjen e investimeve të huaja dhe përmbushjen e standardeve të BE-së; & imponimin e pasojave për zyrtarët që përfshihen në korrupsion. Njerëzit meritojnë rezultate reale nga reforma në drejtësi”, shkruan Kim./Opinion.al
