Kryeministri Edi Rama ka treguar se për çfarë ka biseduar me zyrtaren e lartë të DASH gjatë takimit të zhvilluar mëngjesin e sotëm në Kryeministri.
Në një postim në rrjetin social “Favebook”, Rama tregoi se me Ndihmës/Sekretaren Amerikane të Shtetit për Europën dhe Euro-Azinë, Karen Donfried kishte diskutuar për një sërë çështjesh që prekin Shqipërinë.
Ndër të tjera ai bëri të ditur se zyrtarja e lartë e DASH kishte shprehur konsideratat për rolin e Shqipërisë në Këshillin e Sigurimit dhe në rajon.
“Me Ndihmës/Sekretaren Amerikane të Shtetit për Europën dhe Euro-Azinë, Karen Donfried
Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur
Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse”,-shkruan Rama./Opinion.al
