Kreu OBSH ka reaguar pas takimit me Presidentin e Republikës, Ilir Meta.
Përmes një postimi në rrjetin “Twitter”, Tedros Adhanom Ghebreyesus, bën të ditur se vlerëson angazhimin e presidentit Meta në luftën kundër Covid-19.
“Faleminderit Presidentit të Shqipërisë Ilir Meta për punën e bërë për të luftuar #COVID19 dhe mbështetjen e forcimit të sistemit global shëndetësor për të parandaluar krizat e ardhshme. Mbështetja e Shqipërisë për një pakt ndërkombëtar të propozuar për gatishmërinë dhe reagimin ndaj pandemisë tregon përpjekjen tuaj për një glob më të sigurt”-shkruan ai në mesazhin e tij në “Twitter”.
Kujtojmë se, më herët, presidenti Meta njoftoi se kishte takuar në Romë drejtorin e përgjithshëm të OBSH, Tedros Adhanom Ghebreyesus. Përmes një postimi në rrjetet sociale, Meta bëri të ditur se e kishte diskutuar me kreun e OBSH për pasojat e rënda të pandemisë, Covid-19, në vendin tonë./Opinion.al
Thank you ?? President @ilirmetazyrtar for your work to fight #COVID19 at home, & support of strengthening the global health system to prevent future crises. #Albania‘s backing of a proposed international pact on pandemic preparedness & response shows your drive for a safer ?. https://t.co/3Rfd52A9ux pic.twitter.com/sl2kE4AxXq
— Tedros Adhanom Ghebreyesus (@DrTedros) November 1, 2021
