Presidenti amerikan Donald Trump dhe udhëheqësi i Koresë së Veriut, Kim Jong-un kanë nisur takimin e tyre të dytë të nivelit të lartë në kryeqytetin e Vietnamit, Hanoi. Të dy shtrënguan duart përpara mediave, ndërsa më pas u ulën në takim kokë më kokë. Në dy ditë bisedime pritet të diskutohet një plan për heqjen e armëve bërthamore.
Ka pasur pak përparim në këtë dhe çështje të tjera që nga takimi i parë i Trump-Kim, në Singapor vitin e kaluar. Trump tha se ai mendonte se takimi i fundit do të ishte “shumë i suksesshëm”. Ai mohoi se ishte “duke bërë hapa pas” për armët bërthamore.
Kim, që presidentin amerikan e përshkroi si një “lider të madh”, tha se ishte i bindur se do të kishte një “rezultat të shkëlqyeshëm që të gjithë ta mirëpresin”. “Unë do të bëj çmos për ta bërë atë të ndodhë”, u tha ai gazetarëve./ Opinion.al
