Kryetari i Partisë Demokratike Lulzim Basha nuk ka komentuar takimin që pati për 60 minuta me zv/ambasadoren e SHBA-së në vendin tonë. Në një deklaratë për mediat ai tha se PD nuk do të bëjë asnjë hap pas në aksionin që ka nisur.
Basha po ashtu i dha dhe një përgjigje kryeministrit Edi Rama, i cili në një intervistë për mediat italiane i tha “miku im”.
“Nuk komentoj takimin. Populli ka folur gjatë këtyre ditëve. Të hapë dosjet 339 dhe 184. Zgjidhja mbetet në dorë të popullit. Zgjidhja gjendet edhe pa dialog mes nesh. Dialogu mes meje dhe Ramës provoi se ishte i dëmshëm për Shqipërinë, ai është një grabitqar që dëmton Shqipërinë. Në lidhje me qëndrimin e PD-së, dua të them se nuk ka asnjë hap pas. Ka vetëm hapa përpara në luftën ndaj krimit. Ta bëjmë Shqipërinë si gjithë Europa”.
Një tjetër pikë e rëndësishme sipas Bashës është dhe reformimi i Partisë Demokratike.
“Dua të ndaj me ju dy ditë bashkëpunimi shumë të suksesshëm me Institutin Republikan Amerikan, të cilët kanë vendosur të sjellë standardet e demokracisë perëndimore në Partinë Demokratike. Kam mbështetjen e gjithë botës, të Partisë Konservatorore angleze, të Kristian Demokratëve gjermanë. Kandidatët e ardhshëm për deputetë të Partisë Demokratike do të bëhet me një anëtar një votë, kandidatët do t’i zgjedhin anëtarët e PD-së. Nuk mjafton vetëm largimi i Ramës, por duhet ndryshuar sistemi. Shumë shpejt do të nisim primaret brenda Partisë Demokratike me qëllim evidentimin e njerëzve më të zotë”/ Opinion.al
LEXO EDHE- Përfundon takimi, e ngarkuara me punë e SHBA një orë në zyrën e Bashës
