Aktualitet

Takimi me Hoxhajn, Meta: Kosovën e shqiptarët i presin sfida jo të lehta


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 30/12/20 |
Semiljana Azizi

Presidenti Ilir Meta ka pritur sot në një takim zyrtar kryetarin e PDK-së Enver Hoxhajn.

Presdienti nëpërmjet një statusi në rrjetet sociale shprehet se ishte kënaqësi që të priste në takim kryetarin në detyrë të Partisë Demokratike të Kosovës,  Enver Hoxhaj dhe delegacionin, që e shoqëronte atë.

Ndërkaq, Meta e përfundon postimin duke thënë  se Kosovën dhe të gjithë shqiptarët në rajon i presin sfida gjatë vitit të ri 2021, ndaj duhet që të jemi, sipas tij, në unitet, për të qenë kështu më të bashkuar në interes të kombit dhe progresit.

Postimi i presidentit Ilir Meta:

Kënaqësi të prisja sot në një takim, Kryetarin në detyrë të Partisë Demokratike të Kosovës,  Enver Hoxhaj dhe delegacionin, që e shoqëronte.

Kosovën dhe të gjithë shqiptarët në rajon i presin sfida të reja dhe jo të lehta, në Vitin e Ri, që po vjen. Duhet të jemi në unitet, të kujdesshëm dhe të tregojmë mençuri në qëndrimet tona për të forcuar sa më shumë bashkëpunimin në të gjitha fushat, në të mirë të interesit kombëtar, progresit, begatisë dhe së ardhmes sonë të përbashkët europiane./Opinion.al

Pas