Takimet me njerëzit të cilët i njihni nëpër rrjete sociale nuk mund të shkojnë gjithmonë siç e kishit menduar. Pjesa më e madhe e tyre përfundojnë në mënyrën më të keqe të mundshme, por ka edhe nga ata djem të cilët pendohen edhe për faturat e paguara. Kështu është edhe historia në fjalë, ku një vajzë ka postuar në Reddit mesazhin të cilin i dërgoi personi që njohu në Tinder.
Ata e kishin lënë për tu takuar, ndërsa takimi nuk shkoi siç duhej. Ajo i dërgoi një mesazh duke i shpjeguar se mes tyre nuk ka kimi, ndërsa i uronte më të mirat. Mesazhi që i erdhi nga personi në fjalë ishte qershia mbi tortë. Ai i kërkonte mbrapsht paratë që shpenzoi në këtë takim me justifikimin se pija e saj kushtonte më tepër se ajo që ai porositi për vete.
“Pagova 1.75 paund për pijen time, dhe 8.30 për pijen tënde. Kjo është shumë, ti pive një gotë të madhe që në takimin e parë dhe mu desh mua ta paguaja. Të lutem më kthe paratë. Po pres të më kalosh shumën” , ndërsa në fund të mesazhit i kishte nisur edhe numrin e tij të llogarisë.
Vajza është shprehur se as nuk ka ndërmend ta bëjë atë pagesë, pasi ishte vetë djali ai që u ofrua të paguante për të dy./Opinion.al
