Takimi i 43 deputetëve të opozitës të mbledhur ditën e sotme të thirrur nga Gazment Bardhi ka përfunduar pas rreth një orë diskutime me dyer të mbyllura.
Në një dalje për mediat deputeti Gazment Bardhi ka dhënë detaje mbi vendimet e marra në këtë mbledhje.
Bardhi tha se prioritet i punës do jenë zgjedhjet e lira dhe të ndershme, çuarja përpara e Reformës zgjedhore duke rikonceptuar komisionin e Reformës Zgjedhore dhe detyrat e tij. Po ashtu Bardhi theksoi se opozita do të kërkojë ngritjen e tre komisioneve hetimore. Komisioni i parë hetimor lidhet me PPP në Shëndetësi. I dyti për të dhënat e qytetarëve dhe ndërhyrjet në TIMS, ndërsa i treti është i vonuar dhe mundësi e humbur gjatë këtyre dy viteve për të mbajtur të njëjtën axhendë.
“Sot në takimin me rreth 43 deputetë të opozitës kemi caktuar një pjesë të axhendës në sesionin parlamentar. Prioritet i punës do jenë zgjedhjet e lira dhe të ndershme, çuarja përpara e Reformës zgjedhore duke rikonceptuar komisionin e Reformës Zgjedhore dhe detyrat e tij. Është e papranushme teksa kemi denoncuar masakrën e 14 Majit të mos çojmë përpara Reformën zgjedhore. Zgjedhjet e lira dhe të ndershme janë interes i Shqipërisë. Komisioni i reformës deri tani nuk ka pasur asnjë produket. Vendimi i parë i marrë është rikonceptimi i detyrave dhe përbërjes së Komisionit të Reformës Zgjedhore.
Së dyti, besoj biem dakord të gjithë që kjo opozitë ka përballë qeverinë më të korruptuar, çdo ditë përballemi me skandale të kësaj qeverie ku milionat janë kthyer në bileta autobusi dhe kanë humbur vlerën. Kemi vendosur krijimin e tre Komisioneve Hetimore. Komisioni i parë hetimor është për PPP në Shëndetësi.
Çështja e dytë janë të dhënat e qytetarëve si patronazhistët dhe ndërhyrja në sistmemin Tims kemi vendosur ngritjen e nje Komisioni për këtë çështje.
Një tjetër komision që do të kërkojmë do të jetë i fokusuar te çështjet e zbatimit të ligjit dhe abuzimit me detyrën.
Takimi i sotëm është i vonuar dhe mundësi e humbur gjatë këtyre dy viteve për të mbajtur të njëjtën axhendë”-tha Bardhi.
