Në ditën e nëntë të protestës së opozitës në “Çadrën e Lirisë”, përballë Kryeministrisë, kreu i PD-së Lulzim Basha ka zhvilluar një bashkëbisedim me artistët.
Basha tha se jam këtu me ajkën e kombit dhe jo më kot në ditën e nëntë të përballjes e protestës këtu në sheshin e lirisë, krah për krah me qytetarët, PD, aleatët janë njerëzit e elitës së kombit.
“Sa herë që futet në panik ulet e drejton me banditët, forca e tij janë banditët llumi i shoqërisë, forca jonë janë elita, artistët, pedagogëve, më e mira që ka prodhuar ky komb”-tha Basha.
Sipas tij, deri në 18 shkurt frika si instrument sundimi mbizotëronte në popull dhe kokoshi krekosej mearrogancë.
“Prej 18 shkurt nuk po gjen vrimë ku të fusë kokën, ekuacioni ka ndryshuar populli nuk ka më frikë, e ka vrarë frikën e ka kuptuar se nuk ka pse të ketë frikë nga një pakicë që përfaqëson llumin, frikë duhet të ketë Rama dhe banda e tij”- tha Basha.
Më tej, ai theksoi se Republika e vjetër vdiq me 18 shkurt, t’a varrosim atë dhe t’i japim jetë republikës së re.
“Dje u rrah Kreshnik Spahiu, por populli nuk e lejoi të largohej pa iu prekur qimja e flokut”, tha kreu i PD-së Basha.
