Pas takimit me ambasadoren amerikane, Kryeministri Edi Rama, me anë të një postimi në Twitter, bëri me dije se ka zhvilluar biseda me miqtë ndërkombëtarë në Tiranë, duke adresuar domosdoshmërinë e finalizimit të reformës zgjedhore, me të gjithë gatishmërinë për përmbushjen e rekomandimeve të OSBE/ODHIR-it.
Me anë të postimeve në Twitter, kreu i qeverisë shkroi se ka zhvilluar po ashtu biseda të mira me miq ndërkombëtarë jashtë vendit, për të përmbysur me fakte kështjellën e shpifjeve për Teatrin dhe ngjarjet rrotull saj.
Postimet e plota
Biseda të mira edhe me miqtë ndërkombëtarë në Tiranë dhe dakordësi e plotë për të parë përpara të gjitha bashkë, duke adresuar menjëherë domosdoshmërinë e finalizimit të reformës zgjedhore, me të gjithë gatishmërinë tonë për përmbushjen e rekomandimeve të OSBE/ODHIR-it.
Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtëra e lënë në mes të rrugës?
