Ish-kryeministri i Kosovës Ramush Haradinaj, ka reaguar lidhur me takimin në Bruksel të kryeministrit Albin Kurti dhe presidentit të Serbisë, Alekdandër Vuçiç.
Nëpërmjet një postimi në rrjetet sociale, Haradina shprehet se pa përfshirjen e SHBA dialogu nuk do të arrihet sepse sipas tij me Borell dhe Lajçak kjo marrëveshje do të mbetet pezull.
Ish-kryeministri thotë se sa më shumë të shtyhet përfshirja e SHBa në dialogun Kosovë-Serbi, aq më i madh do të jetë dëmi për Kosovën.
Reagimi i Haradinajt
Edhe një takim koti i dialogut Kosovë-Serbi.
Secila palë ka veç një interes, që me retorika populiste ta mashtrojë popullin e vet në prag të zgjedhjeve!
Kryeministri i Kosovës ka vendosur që të mos bëjë asgjë në këtë proces. Ai nuk po don me e kuptu se pa përfshirjen e SHBA, dialogu është i vdekur. Ai nuk po don me e kuptu se me Borelin e Lajçakun është në qorrsokak.
Sa më larg të shtyhet përfshirja e një emisari amerikan në dialog, dëmi do të jetë më i madh, edhe për Kosovën edhe për Kryeministrin!
Po të ishte Amerika në dialog, tashmë do të ishim në prag të marrëveshjes përfundimtare! A ka njeri që mund t’ia shpjegojë këtë Albin Kurtit!?
