“Reykjavík shënoi nisjen e takimit tonë të parë si Komisioni Pan-Europian për Klimën dhe Shëndetin” .
Kështu ka shkruar në një postim në rrjetin social Facebook, Majlinda Bregu në rolin e komisioneres, ku ndër të tjera shkroi se ky takim hodhi dritë mbi sfidat shëndetësore me të cilat po përballemi të gjithë.
“Ky Komision, nuk ka të bëjë vetëm me ndryshimet klimatike. Bëhet fjalë për mushkëritë e fëmijëve, spitalet nën tendosje, sigurinë ushqimore, shëndetin mendor, investimin në shëndetësi, politikë, besimin në institucione, dezinformimin, arsimin, e aq më tepër.
Ajo që e bëri ditën edhe më domethënëse ishte shkëmbimi i pasur midis anëtarëve, që vijnë nga rajone dhe fusha të ndryshme evropiane, por të bashkuar nga një ndjenjë e përbashkët urgjence dhe qëllimi.
Vonesa nuk është kurrë neutrale. Çdo vit mosveprimi përkeqëson rreziqet shëndetësore, thellon ndarjet sociale dhe kushton miliarda.
Të veprosh tani do të thotë të mbrosh jetën”, shkruan Bregu.
