Ish-Kryeministri i Kosovës Ramush Haradinaj ka reaguar pas deklaratave të Kryeministrit shqiptar Edi Rama lidhur me takimet me ndërkombëtarët dhe qëndrimet e tyre mbi çështjen e Kosovës.
Në një intervistë për RTK-në, kreu i AAK-së tha se bisedën e ë pakëndshme dy vjet më parë në Berlin ai e ka patur me Ramën, por jo me liderët e tjerët evropianë.
“Zhgënjimi i kryeministrit Rama ose ato që i thotë sot janë të pabazuara. Mendoj se në atë kohë ai ka qenë i rreshtuar gabim, pra për ndarjen e Kosovës për hapjen e kufijve të Kosovës, sigurisht që mjaft e rrezikshme për Ballkanin dhe do të na dërgonte në luftëra të reja. Jam detyruar t’i mbroj arat nga vëllai im Edi Rama”, tha Haradinaj, ndërsa pohoi se në Berlin nuk i mbrojti arat e Kosovës as nga kancelarja gjermane Angela Merkel dhe as nga presidenti francez Emmanuel Macron, por nga vëllai i tij shqiptar.
“Po a mund ta fitojë Kosova paqen përfundimtare dhe a mund të prosperojë kombi shqiptar, duke u ftohur e siç i themi ne, duke “i treguar babait arat”, kur flet me Amerikën, Gjermaninë, Francën a me vetë Bashkimin Europian?
E bëj këtë pyetje, sepse e kam jetuar në vetë të parë “tregimin e arave”, deri në pikën që një lider kosovar i’a futi në sy të Merkelit e Macronit, “mu nuk më han luli për kta!” dhe mu aty e humbi rastin historik t’ia hiqte vizat Kosovës, të cilën e bëri lolo në sytë e aleatëve të saj të pazëvendësueshëm strategjikë me marrëzira kinse patriotike”, shkroi dje Rama duke ju referuar cështjes së Kosovës./Opinion.al
